Mësohen disa nga emrat që do të propozohen për anëtarë në KSHZ

Partitë politike parlamentare, veçmë kanë vendosur se kush do të jenë përfaqësuesit e tyre në Komisionin Shtetëror të Zgjedhjeve, edhe pse deputeti i OBRM-PDUKM-së Ilija Dimovski, i cili njëkohësisht është edhe kryetari i Komisionit për zgjedhje dhe emërime, ende nuk po e cakton seancën.

Sipas TV Shenja, mësoohet se BDI-në në KSHZ do ta përfaqësojë Ditmire Shehu, juriste nga Gostivari, e cila për një kohë të gjatë ka punuar edhe në kabinetin e ish-kryetarit të Komunës së Gostivarit, Nevzat Bejta.

Ndërsa burumet partiake nga LSDM thonë se ata në KSHZ do t’u besojnë ish-kryetarit të këtij trupi zgjedhor Boris Kondarko, por edhe Janakie Vitanovskit dhe Radica Risteska.

Sipas informative të dala nga grupi parlamentar i OBRM-PDUKM-së, ata për kryetar të Komisionit Shtetëror të Zgjedhjeve do të propozojnë Oliver Derkovskin, ndërsa Svetllana Karapetrovën si anëtare të tyre.

Ende nuk ka emër konkret nga opozita shqiptare, ku Aleanca për Shqiptarët dhe krahu i Bilall Kasamit po negociojnë që të kenë emër të përbashkët.

Në konkursin për kandidat për anëtarë të përkohshëm të KSHZ-së kanë konkuruar 41 persona.