Megjithatë, Mancini po largohet?

Përkundër njoftimeve se Roberto Mancini do të vazhdojë të jetë trajner i Interit, vijnë lajme të tjera që thonë se ai do të largohet nga klubi.

Mediat italiane raportojnë se zikaltrit janë duke punuar në arritjen e një marrëveshjeje për të kompensuar shkëputjen e kontratës me strategun italian.

Gjatë gjithë verës ka pasur tensione ndërmjet klubit dhe trajnerit, i cili ka edhe një vit në kontratën e tij, transmeton Telegrafi.

Meqenëse ekzistojnë mosmarrëveshje me pronarët e rinj, Suning Group, rreth kontratës së tij dhe strategjisë së transferimeve, ishte e pritshme se ai mund të largohet.

Dhe tash, Sky, Corriere dello Sport, Gazzetta dello Sport dhe Mediaset, bëjnë të ditur se avokatët e Nerazzurrëve janë takuar me përfaqësuesit e Mancinit për të diskutuar arritjen e një marrëveshjeje miqësore për largimin e tij.

Trajneri nuk dëshiron të japë dorëheqje, prandaj duhet të arrihet një kompromis ndërmjet dy palëve.

Favorit për ta zënë vendin e tij është ish-trajneri i Ajaxit, Frank de Boer. /Telegrafi/