McLaren P1 e tëra me tulla Lego

Ne kemi parë vetura Lego me përmasa reale më parë. I kemi parë edhe të lëvizin.

Por, një Lego McLaren P1 tani ka bërë bujë në rrjete sociale.

Ai përbëhet nga 342,817 pjesë individuale Lego Technic, duke përdorur 393 forma të ndryshme tullash, përfshirë 11 të bëra posaçërisht për këtë ndërtim.

Pjesa e jashtme përbëhet nga pjesë fleksibël për t’i dhënë P1 formën e lakuar, dhe gjithashtu për të ndihmuar në sigurimin që ajo të mos shpërbëhet, përcjell Telegrafi.

Mundësohet nga jo më pak se 768 motorë Lego të bashkuar në tetë pako motorësh.

Bateritë Lego Technic i bëjnë ato të rrotullohen. Një bateri veture përdoret gjithashtu për t’i dhënë asaj rreze të mjaftueshme për një xhiro.

McLaren nuk ndan detaje rreth shasisë, por nga ajo që shohim në video, gjithçka përveç rrotave, grupit të instrumenteve dhe timonit janë në fakt Lego.

Sigurisht, nuk mund të dilni dhe të blini një Lego McLaren P1 me madhësi të plotë.

Megjithatë, një komplet McLaren P1 Technic në shkallë 1:8 është i disponueshëm për të realizuar ëndrrat e personave që i duan superveturat Lego. /Telegrafi/