Koalicioni qeverisës, PDK – LDK, mund të mos mbijetojë deri në fund të mandatit të tij, rrjedhimisht deri në vitin 2018, sado që drejtues të dy partive thonë se kanë lidhur marrëveshje të fortë partneriteti.
Të dyja partitë thonë se do t’i bëjnë ballë edhe dy sfidave më të mëdha me të cilat po përballet vendi – Demarkacionin e kufirit me Malin e Zi dhe themelimin e Asociacionit të komunave me shumicë serbe.
Sipas përfaqësuesve të Partisë Demokratike të Kosovës (PDK) dhe Lidhjes Demokratike të Kosovës (LDK) koalicioni nuk ka çarje dhe se bashkëpunimi është i duhuri.
Kryetari i Partisë Demokratike të Kosovës, Kadri Veseli, njëherësh kryetar i Kuvendit të Kosovës, tha se koalicioni qeverisës ndërmjet Partisë Demokratike të Kosovës dhe Lidhjes Demokratike dhe partive të tjera është i qëndrueshëm.
“Si koalicion qeveritar jemi shumë stabil. Besoj se jemi një burim i stabiliteti në rrethanat në të cilat i kemi kaluar. Ajo çka na mungon sot çka duhet fuqimisht të bëjmë është përmirësimi i jetës së qytetarëve”, tha Veseli.
Edhe shefi i Grupit Parlamentar të Lidhjes Demokratike të Kosovës, Ismet Beqiri, njëherësh sekretar i përgjithshëm i LDK-së, tha se koalicioni qeverisës është duke funksionuar mirë dhe do të vazhdojë të qeverisë vendin deri në fund të mandatit.
“Nuk mund të them se ka çarje ose mosmarrëveshje. Nuk ka diçka të tillë. Sa i takon mendimeve dhe qëndrimeve janë mendime individuale për çështjet e caktuara. Qëndrimet e forumeve të partisë, të LDK-së, janë të qarta dhe janë ato që janë deri me tani dhe në këtë drejtim nuk ka ndonjë risi. Besoj se do të vazhdojë puna”, tha Beqiri për Radion Evropa e Lirë.
Me parë zyrtarë, deputetë të caktuar të LDK-së, e në disa raste edhe të atyre të PDK-së, kanë parashikuar prishjen e koalicionit për shkak të mungesës së unitetit për ratifikimin e Demarkacionit.
Kryetari i PDK-së, Veseli, tha se çështja e demarkacionit do të përfundojë dhe për kalimin e kësaj çështje duhet të ketë unitet politik.
“Duhet të ketë konsensus nacional, bashkë ta kalojmë këtë situatë në kuadër të sfidave të shtet formimit dhe sovranitetit të Kosovës”, tha Veseli.
Zyrtarët e koalicionit qeverisës kanë pranuar se për çështjen e ratifikimit të marrëveshjes për kufirin me Malin e Zi nuk kanë arritur që të sigurojmë votat e mjaftueshme në Kuvend.
Beqiri tha se kjo çështje nuk do të thotë se ka çarje të koalicionit qeverise.
“E vërteta është se gjerë me tani nuk është arritur të ketë një shumicë me shumë se sa dy të tretat e këtyre çështjeve që i përmendëm. Sido që të jetë, edhe kryeministri edhe të tjerët kanë vazhduar konsultimet dhe besoj se në një të ardhme do të sqarohen gjërat”, tha Beqiri.
Koalicioni qeverisës në Kosovë u arrit pas një periudhe prej gjashtë muajsh të bllokadës politike, kur vendi u fut në një krizë të thellë institucionale.
Të dyja partitë arritën marrëveshje në dhjetor të vitit 2014 dhe pas dy mandateve, Partia Demokratike i la postin e kryeministrit Lidhjes Demokratike të Kosovës.
PDK-LDK kishte një koalicion të mëhershëm që prej shpalljes së pavarësisë së vendit e deri në vitin 2010 kur Gjykata Kushtetuese vendosi se ish-presidenti Fatmir Sejdiu kishte bërë shkelje duke mbajtur dy poste, edhe atë të kryetarit të LDK-së.
Koalicioni u prish dhe vendi hyri në krizë politike, që u zgjodh në prill të vitit 2011. /rel/
Lufta Prigozhin - Putin
Më shumëNga Rubrika
“Propozimi u diskutua me Ramën gjatë një kafeje në Davos”, WSJ zbulon planet e Jared Kushner dhe Ivanka Trump për Sazanin
SPAK dyshon se u “tradhtua” në të paktën 12 raste
Një në 11 vdekje në Evropë ndodh për shkak të alkoolit, mjekët: 25% e shqiptarëve janë pijedashës
“Propozimi u diskutua me Ramën gjatë një kafeje në Davos”, WSJ zbulon planet e Jared Kushner dhe Ivanka Trump për Sazanin
Nga Mali i Zi në Kosovë: Historia e mjekes që u bë dorë e zgjatur për shumë gra
Gjukiq: Masat e Serbisë në lidhje me Kosovën, veprime të gabuara
Ndërron jetë vëllai i Jakup Krasniqit
Plagosje me armë zjarri në Mitrovicë
Plagosjet dhe vrasjet aksidentale, kërkohet hetimi i cilësisë së trajnimit të policëve
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Ylli i Real Madridit ulërin nga dhimbjet e mëdha pas lëndimit të tmerrshëm që pësoi ndaj Villarrealit
Kader Kicaj pjesë e kinematografisë evropiane?
Ronaldo kërkon nga drejtuesit e Al Nassr t’i bëjnë yllit të Man Cityt një ofertë prej një milionë eurosh në javë
Mysafirëve në "daljen e parë publike në 11 vjet" të Michael Schumacher iu dha një rregull i rreptë për t'u ndjekur
Xhuli Nura zbulon lidhjen e re: Djaloshi nga Zvicra është më i ri se ajo
Dyshohet se përmban një oqean dy herë më të madh se ai i Tokës, NASA gati të nisë anijen më të madhe kozmike drejt hënës së Jupiterit