Manchester United nuk e nisi mirë sezonin e ri në Ligën Premier, por pas dy humbjeve radhazi filloi këndelljen.
Djajtë e Kuq kanë marrë katër fitore radhazi dhe tani po jep efekt puna e trajnerit holandez Erik Ten Hag.
Gjiganti anglez po mendon t’i blindojë me kontrata të reja pesë futbollistët e ekipit.
Qëllimi i drejtuesve të United është që tua vazhdoj edhe për nga një vit tjetër kontratat pesë futbollistëve në të cilët beson shumë trajneri Erik Ten Hag.
David de Gea, Diogo Dalot, Luke Shaw, Fred dhe Marcus Rashford kanë hyrë teknikisht në vitin e fundit të kontratave të tyre, por United planifikon të ushtrojë opsionin e tyre për një vit shtesë me secilin lojtar.
Drejtuesit e United nuk e kanë ndërmend ta lejojnë ndonjërin nga lojtarët të largohet falas dhe kjo është arsyeja që i kanë ofruar rinovimin e kontratave.
Bisedimet me pesë futbollistët kanë filluar dhe mbetet të shihet nëse ndonjëri nga ta do ta refuzoj ofertën për rinovim. /Telegrafi/