Ky është momenti kur një majmun arrin ta “rrëmbejë” një qen të vogël nga tarraca e një apartamenti.
Qeni i vogël bardhë e zi “rrëmbehet” nga majmuni, që ishte dy herë më i madh dhe ngjarja ndodhi në Parkota të Jaipur, Indi, transmeton Telegrafi.
Ky moment u filmua nga kalimtarët e rastit, që qëndronin matanë rrugës dhe panë majmunin duke “rrëmbyer” qenin nga tarraca dhe përmes kulmit largohet me të.
E pavarësisht që qeni mundohej të lëvizte, pa ndonjë sukses. Majmuni e mori dhe e dërgoi në kulmin e një ndërtese katërkatëshe.
Duket se majmuni kishte vërejtur kalimtarët që e shikonin, pasi vazhdimisht kthehej prapa për të parë nëse akoma po e vështronin. /Telegrafi/
