Me gënjeshtra, gjyqe të montuara dhe persekutim politik, OBRM-PDUKM po përpiqet të shkëpusë vëmendjen nga skandalet e tyre të korrupsionit në bujqësi, akuzojnë nga LSDM.
"Ndërsa ende nuk ka përgjegjësi për mega-skandalin e korrupsionit me IPARD që peshon 130 milionë euro, një tjetër skandal ka dalë në dritë.
Është qeveria e OBRM-PDUKM që po përpiqet në mënyrë skandaloze të pompojë paratë e shtetit përmes një vendimi për mbështetje financiare deri në 10 denarë për disa verari. Nuk kishte as 2 dhe as 3 denarë për vreshtarët, por menjëherë u gjetën 10 denarë për veraritë e privilegjuara.
Kjo është erë korrupsioni dhe marrëveshjesh vajtje-ardhje në kurriz dhe vuajtje të vreshtarëve.
Është e qartë si dita se OBRM-PDUKM po shpik skenarë dhe po bën konstruksione për të fshehur krimin brenda radhëve të veta.
Ndërsa fermerët, vreshtarët dhe blegtorët presin subvencione, OBRM-PDUKM po pasurohet nga vuajtjet e tyre", thuhet në kumtesën e LSDM-së./Telegrafi/
