Një burrë nga Oregoni, i cili la punën e tij në një kompani gomash dhe shfrytëzoi kursimet e tij të pensionit për t'u nisur për në Havai me macen e tij, Phoenix, arriti në destinacionin e tij të shtunën, i mirëpritur nga mbështetës që brohorisnin në fund të një udhëtimi njëjavor që ai dokumentoi për numrin e madh të ndjekësve të tij në mediat sociale.
Oliver Widger, i cili u përshëndet gjithashtu nga Guvernatori i Havait, Josh Green, në klubin e jahteve Waikiki në Oahu, pranoi se ishte nervoz përballë turmës, ku përfshiheshin edhe gazetarë.
Widger tha se ndihej "shumë çuditshëm" - jo i sëmurë nga deti, por "thjesht ndiej sikur duhet të kapem fort pas gjërave që të mos rrëzohem", transmeton Telegrafi.
Ai u bë një sensacion në internet me historinë e tij, e cila pasoi një diagnozë katër vjet më parë me një sindromë që mbarte rrezikun e paralizës dhe e bëri të kuptonte se nuk i pëlqente puna e tij menaxheriale.
La punën e tij "pa para, pa plan" dhe 10,000 dollarë borxhe - dhe qëllimin për të blerë një varkë për të lundruar nëpër botë.
Mësoi vetë të lundronte kryesisht përmes YouTube dhe u zhvendos nga Portland në bregdetin e Oregonit. I kaloi muaj duke riparuar varkën që bleu me vlerë 50,000 dollarë.
U nis për në Havai me Phoenix në fund të prillit, duke dokumentuar përvojat e tyre për më shumë se 1 milion ndjekës të tij në TikTok dhe 1.7 milion ndjekës në Instagram.
Ai tha se mendon që historia e tij, e cila u bë lajm kombëtar, pati jehonë tek njerëzit.
"Mendoj se shumë njerëz, e dini, po punojnë shumë gjatë gjithë ditës dhe nuk ka shumë rëndësi se sa para fitoni në këtë pikë, të gjithë po përpiqen të bëjnë mjaftueshëm për të mbijetuar dhe kjo thjesht ju lodh. Thjesht bota është në një vend të çuditshëm dhe mendoj se njerëzit kanë parë se është e mundur të shpërthejnë", tha ai.
Widger, 29 vjeç, tha se nuk është ndjerë kurrë vërtet vetëm, pasi komunikonte me miqtë përmes mjeteve, përfshirë videokonferencën. Por gjithashtu nuk i përjetoi ujërat e hapura në një mënyrë që marinarët e tjerë - të cilët nuk kishin qasje në mjete si satelitët e internetit Starlink - e kishin përjetuar vite më parë. /Telegrafi/
