Ky ishte babai i motrave Istrefi, edhe ai është ngjitur në skenë (Video)

Motrat Istrefi janë padyshim ndër emrat më të njohur të skenës sonë, dhe jo vetëm.

Era dhe Nora janë ato të cilat ndoqën rrugën e muzikës, gjersa motra e mesme Nita dhe vëllau i vogël Bledi kanë tjetër drejtim.

Të gjithë e dinë se kjo familje humbi kryefamiljarin Nezir Istrefin në vitin 2004, në një aksident tragjik, gjersa bashkëshortja e tij Suzana Tahirsylaj hoqi dorë nga muzika, dhe iu përkushtua rritjes së fëmijëve.

Ndoshta nuk e keni ditur, por babai i motrave Istrefi ka qenë gjithashtu pjesë e televizionit. Ai punonte në Radio Televizionin e Kosovës, gjersa disa herë e ke prekur skenën si moderator dhe recitues.

Në një video e cila ndodhet në kanalin Youtube, shihet Neziri teksa reciton një poezi me motive kombëtare në Frankfurt të Gjermanisë, në vitin 1997.

Duket se influenca e këngëtareve Nora dhe Era Istrefi për të qenë pjesë e skenës, ka qenë e ndikuar nga prezenca e vazhdueshme e prindërve në skenë. /Telegrafi/