Ky dron mund të transportojë 45 kg ngarkesë dhe të fluturojë me shpejtësi deri në 130 km/h

Kompania austriake e shtytjes vertikale, Cyclotech ka bashkëpunuar me kompaninë japoneze të dërgesave, Yamoto për të zhvilluar një koncept të pazakontë të dronit.

Droni CCY-01 fluturon me gjashtë Cyclo rotorë unikë të Cyclotech, falë të cilëve do të jetë në gjendje të ulet saktësisht në vende të ngushta dhe pavarësisht nga era.

Rotorët cilindrikë të Cyclotech rrotullohen me shpejtësi të lartë, ndërsa disa tehe ndryshojnë këndin dhe drejtojnë shtytjen.

Gjatë fluturimit testues, u përdorën katër CycloRotor të vendosur në mënyrë që “aeroplani i vogël” të dukej pothuajse si një makinë fluturuese në vend të një droni tradicional.

Ky koncept i ri CCY-01 përdor dizajnin tashmë të pazakontë të Cyclotech, i cili është modifikuar në një konfigurim krejtësisht të ri, ka dy CycloRotor të tjerë të pozicionuar në një kënd 90 gradë. Kjo lejon që droni të jetë më i qëndrueshëm gjatë motit me erë.

Droni mbart një kapsulë PUPA të zhvilluar nga Yamayo dhe duke zhvilluar disa versione të kapsulës. Ky i paraqitur funksionon si karrocë dhe është i destinuar për ngarkesa deri në 30 kg. Kapsula e ngarkesave futet nën dronin dhe lidhet me të, dhe droni mund të anohet gjatë fluturimit për të zvogëluar rezistencën e ajrit.

Cyclotech pretendon se CCY-01 mund të transportojë 45 kg ngarkesë, duke përfshirë një kapsulë, dhe të fluturojë 40 kilometra me një shpejtësi prej 130 km/orë.

Droni është ende në fazën e konceptit, ndaj nuk ka asnjë garanci se do të prodhohet. Dizajni i tij i pazakontë është një tregues se Cyclotech po eksperimenton në maksimum. /Telegrafi/