Kush janë ISIS-K, grupi që dyshohet për shpërthimin jashtë aeroportit të Kabulit

ISIS-K u themelua në vitin 2015, por kurrë nuk ka arritur të ndërtojë një forcë të rëndësishme në vend.

Zgjerimi i tij është kundërshtuar nga talebanët, të cilët ISIS-i beson se ka hedhur poshtë mësimet e vërteta të Islamit. Shumë prej luftëtarëve të saj janë të huaj, të ardhur nga Taxhikistani, Uzbekistani, Pakistani dhe ka mbajtur lidhje relativisht të ngushta me udhëheqjen e ISIS në Siri dhe Irak.

Shumë prej tyre janë shqetësuar nga një intensifikim i sulmeve të lidhura me ISIS-K muajt e fundit, transmeton Telegrafi.

Lexo po ashtu Dalin imazhet e para pas shpërthimit të madh në Kabul (Pamje të rënda)

“Trajektorja e ISIS-K ka qenë ajo e ringjalljes pas një kohe të vështirë në vitin 2019 dhe gjysmën e parë të 2020… por ata heshtën papritur që nga marrja nën kontroll e talebanëve dhe një arsye e mundshme për këtë ishte se grupi po përgatitej për një fushatë të re”, tha Charlie Winter, një studiues i lartë në Qendrën e Universitetit të Londrës për Studimin e Radikalizimit.

Analistët thanë që ISIS-K do ta shihte një sulm kundër aeroportit si një fitore të madhe, raporton theguardian.

U.S. officials believe ISIS-K was behind attack. That is the group that the Pentagon had been warning about for days.

— Idrees Ali (@idreesali114) August 26, 2021

“Ata arrijnë disa gjëra: ata godasin objektivat legjitime (nga perspektiva e tyre), ata dërgojnë një sinjal se janë ende një forcë për t’u llogaritur dhe ata sfidojnë projektin shtetëror të talebanëve duke theksuar se grupi nuk mund të sigurojë Kabulin”, tha Tore Hamming, një ekspert danez në Xhihadizmin Sunit i cili ka studiuar ISIS.

Turmat, aeroplanët dhe infrastruktura në aeroport sigurojnë një vend të dukshëm për llojin e sulmeve masive të viktimave për të cilat ISIS është bërë i njohur, por gjithashtu është një “takim i përsosur i objektivave të ndryshëm” të grupit në Afganistan: ushtria amerikane, afganët të cilët kanë ndihmuar përpjekjet perëndimore që shihen si bashkëpunëtorë dhe talebanët, të cilët ISIS-K i sheh si “apostatë”, tha Winter.

Lexo po ashtu Zëdhënësi i Talebanëve, Mujahid: I kishim paralajmëruar amerikanët për grupet terroriste

Gjatë katër muajve të parë të vitit 2021, Misioni i Kombeve të Bashkuara për Ndihmë në Afganistan (UNAMA) regjistroi 77 sulme të pretenduara ose fajësuara nga ISIS-K, një rritje e konsiderueshme.

Këto kanë shënjestruar një gamë më të gjerë objektivash sesa më parë: myslimanët shiitë, gazetarë dhe të huaj, si dhe infrastrukturë civile dhe personel ushtarak. /Telegrafi/