Problemet me flokë nuk janë të rralla, për këtë arsye shpesh merremi me shampo dhe preparate të ndryshme. Mirëpo, ekziston mundësia që edhe për flokët të kujdesemi me preparate natyrale, ndërmjet të cilave më kualitative janë vajrat dhe bazat eterike.

Hidrolatet e luleve përdoren për trajtimin e cilësdo gjendje kronike të flokëve (flokëve të thata dhe të plasaritura, zbokthit, flokëve të yndyrshme) duke i shtuar disa pika të vajrave eterike.

Nëse dëshirojmë që vetvetiu të përgatisim preparate për kujdesin ndaj flokëve të cilat rrallë janë të disponueshme, apo përgatitjen e kremrave të cilat do t’i përdorim çdo ditë, atëherë vajrat dhe bazat eterike janë të mirëseardhura.

Me anë të këtyre produkteve mund të krijohet preparate të cilat i zgjidhin problemet me flokët e thata dhe majat e plasaritura.

Një shembull më i ri është prodhimi i kremit nga baza e mandingës(gjalpë nga fruti i Vitellaria paradoxa) e cila është plotësisht natyrale, për dallim nga bazat sintetike nga të cilat prodhohen të gjitha kremrat industriale.

Mandinga në temperaturë të dhomës është në gjendje të ngurtë, ndërsa në ujë të nxehtë ajo vetvetiu shkrihet. Në këtë gjendje mandingës i shtohet vaj eterik dhe pastaj preparati lihet në temperaturë të dhomës që përsëri të ngurtësohet dhe pastaj si i tillë përdoret në flokë.