Kryetari Aliu në Ferizaj vazhdon me raporte miqësore me KFOR-in amerikan

Ekzekutivi i Komunës së Ferizajt që drejtohet nga Agim Aliu edhe gjatë këtij viti ka vazhduar të ketë raporte miqësore dhe zyrtare me gjithë ekipet e KFOR-it në Kosovë, por veçanërisht raporte e takime të vazhdueshme Aliu ka mbajtur me KFOR-in amerikan.

Mbështetja e Amerikës për Kosovën, por edhe ndërtimi i Kampit “Bondsteel” që gjendet në zonën kadastrale të Ferizajt, ka shtyrë gjithmonë kryetarin Aliu, që të mban raporte miqësore me KFOR-in. Raportet e tilla janë thelluar edhe më shumë pasi që kryetari Aliu vazhdimisht takohet me drejtuesit e tyre në prag të festave të rëndësishme për Kosovën e Amerikën.

Aliu,  ka njoftuar se edhe këtë të enjte në prag të festave të fundvitit është takuar me përfaqësuesit e KFOR-it amerikan dhe në të njëjtën kohë i ka njoftuar për sigurinë e qetë në gjithë territorin e kësaj komune dhe më gjerë.

“Kënaqësi që në prag të festave të fundvitit, të pres në zyrën time ushtarakët e KFOR-it amerikan e të shkëmbejmë dhuratat me Nënkolonelin Evan Hessel – Zëvendëskomandant i Komandës Regjionale-Lindje, Rreshterin e Klasit të Parë, Ryan Johnson – Komandant i LMT-Ferizaj dhe specialistin Elmer Santos”, ka shkruar Aliu./Telegrafi/