KRU Prishtina: Mbesin pa ujë të pishëm tri rrugë në Prishtinë

Kompania Rajonale e Ujësjellësit “Prishtina” njofton se për shkak të prishjeve, pa ujë të pijshëm janë tri rrugë të kryeqytetit.

KRU thotë se janë duke u marrë me sanimin e dy gypave të ujit njëra mes rrugëve “Rexhep Luci”, ” Luan Haradinaj” dhe tjetra në rrugën “Bajram Bahtiri” rruga që të shpie në fshatin Llukar.

“Ju njoftojmë për dy rrjedhje uji në dy zona të ndryshme, mëngjesin e ditës së sotme. Ekipet e mirëmbajtjes së rrjetit të ujësjellësit janë duke u marrë me sanimin e dy gypave të ujit, njëra në mes të  rrugëve Rexhep Luci’ dhe Luan Haradinaj në Prishtinë dhe tjetra në rrugën Bajram Bahtiri rruga që të shpie në fshatin Llukar”, thuhet në njoftimin e KRU-së.

Si rrjedhojë qytetarët të cilët jetojnë nëpër ato pjesë do të mbesin pa furnizim me ujë të pijshëm deri në rregullimin e defekteve të lartë cekura.

“Sanimi i tyre ka filluar dhe shpresojmë të përfundojmë sa më shpejt. Si pasojë, pa furnizim me ujë janë rrugët e lartëcekura, deri në sanimet e defekteve të dy linjave”. /Telegrafi/