KRU” Prishtina” bën thirrje për shpenzim racional të ujit të pijshëm

KRU “Prishtina” përmes një njoftimi për media ka bërë të ditur se furnizimi me ujë është stabil dhe do të vazhdojnë ta mbajnë të tillë.

“Jini të vëmendshëm se , pa shëndet ne nuk jemi askund”. Pastro duart vazhdimisht, por jo vetëm sot, nesër , pasnesër dhe çdo moment të nevojshëm të jetës tënde! Investoni në shëndetin tuaj duke mbajt higjienën tuaj personale. Por, duke e mbajt higjienën tuaj personale, ju jeni duke investuar direkt në shëndetin tuaj dhe rrethit e familjes tënde!

KRU “Prishtina” sh.a. iu bën thirrje që në këtë kohë, derisa po qëndroni në shtëpitë tuaja, të shpenzoni racionalisht ujin duke e shpenzuar për nevoja higjienike dhe shtëpiake por asnjë litër ujë të mos ju shkojë kot, duke e lënë ‘të rrjedhë nga rubineti juaj”, thuhet në njoftimin e KRU “Prishtina”.

KRU “Prishtina” thekson se furnizimi është stabil dhe bashkërisht të kontribuojmë në ruajtjen e ujit të pijshëm ngase kemi rritje të konsumit.

Pastro duart me ujë por ujin përdoreni në mënyrë të drejtë! /Telegrafi/