KRM Ambienti në Istog pastron hapësirat me mbeturina të raportuara në Ndreqe.com

Platforma Ndreqe.com vazhdon të jetë një adresë e besueshme ku qytetarët mund të paraqesin ankesat dhe shqetësimet e tyre rreth problemeve që hasin në infrastrukturë dhe në ambientet ku ata jetojnë.

Raportimet e bëra në Ndreqe.com po marrin vëmendjen e duhur nga organet përgjegjëse, të cilat po ndërmarrin masa për t’i adresuar këto probleme në mënyrë efektive dhe të shpejtë.

I tillë është rasti në komunën e Istogut ku kanë ndërhyrë KRM Ambienti për pastrimin e disa sipërfaqeve nga mbeturinat, të cilat ishin adresuar në këtë platformë.

Dy intervenimet e fundit të KRM Ambienti në Istog tregojnë përkushtimin e tyre për të ruajtur ambientin e pastër dhe të gjelbër që qytetarët e kërkojnë dhe meritojnë.

Me mbështetjen e qytetarëve dhe përdorimin aktiv të platformës ndreqe.com, Istogu dhe qytetet e tjera po bëhen një vend më i pastër dhe më i gjelbër, ku çdo raportim kontribuon në një ndryshim pozitiv.

Qytetarët po vazhdojnë të raportojnë në platformën “Ndreqe.com” për ankesat që kanë, ku më pas po intervenohet edhe nga organet përgjegjëse.

Vazhdoni të raportoni edhe më tutje për të gjitha problemet në komunat tuaja përkatëse.