Site icon Telegrafi

Komuna e Suharekës nis procesin e vendosjes së numrave zyrtarë për adresat

Kryetari i Komunës së Suharekës, Bali Muharremaj ka njoftuar se prej ditës së enjte ka nisur vendosja e numrave në adresa, bazuar në të dhënat në Sistemin e Unifikuar të Adresave.

Sipas tij, tani e tutje adresat e qytetarëve të Komunës së Suharekës do të kenë numra zyrtarë, raporton Telegrafi.

“Në Komunën e Suharekës do të vendosen 20,475 numra, për 1,436 rrugë të regjistruara në Sistemin e Unifikuar të Adresave. Të dhënat e vendbanimeve do të jenë edhe fizike e po ashtu elektronike”, ka njoftuar kryetari Muharremaj.

Kosova synon të harmonizojë praktikat e saj me ato të BE-në meqë një sistem i unifikuar i adresave është kërkesë e rëndësishme për qeverisjen dhe sigurinë, por edhe përmirësimin e shërbimeve publike. /Telegrafi/

Exit mobile version