Komuna e Rahovecit zhvillon sot dëgjimin e buxhetimit me pjesëmarrje

Në ora 16:30, qytetarët e Komunës së Rahovecit, do të kenë mundësi t’i bashkohen nismës “Ec për qytetin”, nismë e cila do të ju ofrojë mundësi këtyre qytetarëve të propozojnë ide për realizimin e projektëvë që ata i shohin të nevojshme për këtë komunë.

Kjo nismë re buxhetimit me pjesëmarrje realizohet për t’i përfshirë sa më shumë dhe drejtpërdrejt qytetarët e komunës së Rahovecit në procesin e vendimmarrjes.

Buxhetimi me pjesëmarrje, është një projekt që u mundëson qytetarëve të propozojnë ide për investime në lagjen e tyre, të votojnë për projektin më të mirë i cili në fund financohet nga Komuna.

Komuna e Rahovecit poshtu ka bërë të ditur edhe kriteret të cilat duhet të plotësohen nga projekti propozuar, duke bërë të ditur që :

• Projekt-propozimi duhet të jetë brenda buxhetit të prezantuar nga komuna në vlera deri në 30 mijë euro,
• Numri i qytetarëve që përfitojnë nga ky projekt të jetë sa më i madh
• Lloji i projekteve që mund të propozohen: Investime kapitale, shërbime të ndryshme apo invervenime në projekte ekzistuese, projekte turistike, kulturore, rinore dhe sportive.
• Projekti i propozuar të jeët në kompetencë të Komunës së Rahovecit dhe në pronësi komunale. /Telegrafi/