Përfaqësues nga Këshilli Bashkiak i Sarandës vizituan sot Gjakovën

Fillimisht, ky delegacion zhvilloi takim pune me Kryetarin e Komunës së Gjakovës ,Ardian Gjini, Kryesuesen e Kuvendit të Komunës së Gjakovës, Arbënesha Kuqi si dhe Drejtoreshën për Kulturë, Rini dhe Sport, Adea Roka Pylla.

Kryetari i Komunës së Gjakovës, Ardian Gjini u shpreh i lumtur për këtë vizitë, e cila simbolizon miqësinë mes dy qyteteve, rrjedhimisht edhe thellimin e bashkëpunimit si institucione.

Më pas, në Sallën Solemne në Pallatin e Kulturës “Asim Vokshi”, u zhvillua mbledhja e përbashkët në mes të Kuvendit të Komunës së Gjakovës dhe Këshillit Bashkiak Sarandë.

Në fjalën e saj para kuvendarëve, Kryesuesja e Kuvendit të Komunës së Gjakovës Arbënesha Kuqi, foli për rrugëtimin e Kosovës pas luftës, duke përmendur vështirësitë dhe sakrificat e popullit tonë por edhe sukseset e pamohueshme në këto vite si shtet i lirë dhe i pavarur.

Ndërkaq, ajo falënderoi delegacionin nga Saranda për këtë vizitë dhe për gjithë gatishmërinë për bashkëpunim miqësor e institucional me komunën e Gjakovës.

Kuqi poasht u shpreh e bindur se kjo frymë e mirë bashkëpunimi, do të rezultojë me projekte konkrete në të mirë të këtyre dy qyteteve.

Pas seancës solemne, dekegacionet bënë homazhe pranë Lapidarit “Shokët e Lirisë”, vizituan nga afër punimet në Stadiumin e Qytetit, Muzeun Etnografik si dhe dhe Risons Winery & Distillery.