Klubet e Ligës Premier pajtohen në parim për futjen e VAR-it nga sezoni i ardhshëm

Klubet e Ligës Premier kanë rënë dakord në parim për të futur VAR-in në kampionat nga sezoni i ardhshëm.

Video Asistant Referees i njohur ndryshe si VAR ka filluar zbatimin në disa nga kampionat kryesore evropiane.

Zbatimi i tij ka minimizuar në maksimum gabimet e gjyqtarëve gjatë ndeshjeve dhe skuadrat po ndahen të kënaqura me rezultatin.

Lexo po ashtu VAR mund të përdoret në Ligën e Kampionëve që nga çerekfinalet?

Serie A dhe Bundesliga kishin filluar zbatimin gjatë sezonit të kaluar, ndërsa në këtë sezon valles i është bashkuar edhe La Liga e Ligue 1.

I vetmi kampionat nga pesë të mëdhenjtë në Evropë që kishte mbetur pa VAR ishte kampionati anglez, Liga Premier.

BREAKING: Premier League clubs have approved the use of VAR from 2019/20 pic.twitter.com/0PDzjY6ptC

— B/R Football (@brfootball) November 15, 2018

Gjatë mbledhjes së klubeve të Ligës Premier para disa muajsh u mor vendim për mos-futjen e VAR-it në kampionat, por tashmë klubet kanë ndryshuar mendim.

Tanimë është zyrtare dhe VAR-i do nis aplikimin e tij edhe në Ligën Premier nga sezoni i ardhshëm (2019/20) me pajtimin e klubeve. /Telegrafi/

OFFICIAL: The Premier League clubs have agreed in principle to introduce VAR from next season pic.twitter.com/BFQdpoVTqu

— Play Squawka Selector for Free (@Squawka_Live) November 15, 2018