Kinë: HTC zhvillon sistemin e saj operativ

Depërtimi në tregun kinez është i vështirë sidomos kur bëhet fjalë për biznesin e shitjes së telefonave mobil. Kështu ka rezultuar edhe për kompani shumë të mëdha si Apple, e cila prodhon telefonin më të famshëm në botë, iPhone.

Mirëpo, një sfide të tillë nuk është duke iu frikuar prodhuesi i njohur tajvanez i telefonave të mençur mobil HTC, i cili është duke punuar në krijimin e sistemit të vet operativ mobil, fillimisht të dedikuar vetëm për tregun kinez. ‘

Sipas Ëall Street Journal thuhet se është vet Cher Wang nga HTC, i cili është i angazhuar në projekt dhe është duke punuar drejtpërdrejt me autoritetet e shtetit për të marrë miratimin e tyre për këtë projekt madhështor.

Mirëpo ende nuk dihet nëse platforma e re e HTC-së do të jetë një sistem i pavaruar operativ, për tu shkëputur nga varësia e Android të Google, apo një ndërfaqe e re e bazuar në këtë platformë.

Ka zëra që thonë se prodhuesit e famshëm mobil janë duke zhvilluar projekte të pavarura për sisteme operative, siç është rasti i Samsung me sistemin e saj operativ, Tizen.

Sistemi operativ i HTC thuhet se do të jetë i lidhur me shërbimet e ndryshme kineze, si rrjeti social Weibo, dhe shërbime tjera të famshme në vend. Planet e HTC-së janë që të debutojë me këtë platformë mobile deri në fund të këtij viti. / Telegrafi /