Këtu filloi gjithçka, tregu kinez i “tmerrit” nga ku shpërtheu coronavirusi – edhe SARS-i kishte filluar nga një kafshë

Epidemia e coronavirusit vdekjeprurës sipas gjitha gjasave ka filluar në një treg të qytetit kinez Wuhan.

Ajo çfarë ka shokuar botën janë fotografitë nga tregu. Edhe pse është i dedikuar si treg për gjallesat e ujit, aty mund të gjenden produkte tjera që qytetarëve nga perëndimi u duken të çuditshme dhe madje të gërditshme, transmeton Telegrafi.

Në ofertë përfshihen zogjtë, lepujt, minjtë, dhelprat, lakuriqët, gjarpërinjtë dhe reptilët tjerë, më pas gomarët, devetë e madje edhe majmunët.

Lexo po ashtu Frika nga coronavirusi, taksisti nxjerr nga vetura pasagjerin – e gjitha ndodhi vetëm pse u kollit dhe kishte vizituar Wuhanin

Vlenë të theksohet se mbajtja e një numri kaq të madh të kafshëve në një hapësirë të vogël dhe kontakti i vazhdueshëm me tregtarët dhe blerësit, e shpesh prerja e tyre në vend të ngjarjes, mund të jenë indikacione për zgjerimin e virusit. Nuk dihet se nga vijnë këto kafshë, por as vetë tregtia me to nuk është e rregulluar me ligj.

Pasi janë kryer testet për coronavirusin e ri, është dëshmuar se të gjithë personat që janë infektuar në fillim kishin vizituar këtë treg në Wuhan, kanë punuar në të apo ndonjë anëtarë i familjes së tyre.

Në disa pjesë të Kinës, përkundër ndalesave të shumta nga zyrtarët shtetërorë, disa kafshë si gjarpri, minjtë, gomarët apo edhe majmunët konsumohen në masë të madhe nga qytetarët – madje pa u pjekur shumë sepse sipas medicinës tradicionale kineze konsiderohet si ushqim shumë i shëndetshëm.

Lexo po ashtu Para dhe pas, imazhet satelitore tregojnë se si Wuhani është “shndërruar në qytet fantazmë“ pas coronavirusit

Siç raporton Business Insider, këto tregje është për këtë quhen të “lagura” për shkak të gjakut, kjo për faktin se shitësit i presin vetë kafshët për blerësit.

Në këtë mënyrë zgjerohen shumë gjëra përfshirë këtu edhe virusin vdekjeprurës. Përveç kësaj, virusët shpesh zhvillojnë mutacione që u mundësojnë kalimin nga kafshët në njerëz.

https://www.youtube.com/watch?v=9EPz8PSue2o&feature=emb_title

Për shembull epidemia SARS që shpërtheu në vitin 2002, gjithashtu në Kinë, ua kishte marrë jetën 774 persona, e cila është nxitur nga coronavirusi që te njerëzit kaloi nga macet që shiteshin nëpër tregje të tilla. /Telegrafi/