Këtë të premte në HaPiTe – Biznesin me Airbnb

A ki apartament nga i cili dëshiron të përfitosh? Apo vetëm po kërkon mënyra që biznesin tënd në Airbnb ta ngrisësh në një nivel tjetër? Të ftojmë të bëhesh pjesë e eventit “Biznesi me Airbnb” për të kuptuar më shumë rreth kësaj mundësie.

Eventi do të mbahet këtë të premte, më 6 tetor, në ora 16:00 në HaPiTe Space.

Të ftuarit, Dion Deva, Brunilda Gjura  dhe Ilir Hasangjekaj, do të diskutojnë për biznesin me Airbnb nga hapat e parë e deri të shndërrimi në top host.

Çka do të përfitoni nga ky event?

Në këtë event do të diskutohet për:

– Sesi të fillosh biznesin nga zero e të bëhesh top host;

– Strategjitë efikase për menaxhim të pronave;

– Mënyrat për të promovuar pronat;

– Sfidat më të zakonshme në këtë fushë dhe se si t’i tejkalosh ato.

Por, jo vetëm. Do të keni mundësi të diskutoni edhe personalisht me secilin prej tyre.

Regjistrimi është falas, por vendet janë të kufizuara! Prandaj, duhet ta rezervoni vendin në këtë link.

HaPiTe u themelua nga Hallakate, Pixels dhe Telegrafi, me qëllim që të organizohen mbledhi e ngjarje për komunitetin, për të krijuar rrjetizim e diskutuar tema me interes të përbashkët.

Po ashtu, kjo hapësirë është e qasshme edhe për organizatat dhe kompanitë që mbajnë punëtori, konferenca dhe organizime të tjera.