Policia ka kapur pesë emigrantë nga Maroku pasi ndaluan një tren mallrash për në Serbi.
"Dje në ora 12:20 në stacionin hekurudhor Krivollak, me rastin e ndalimit të një treni mallrash, i cili po qarkullonte në vendkalimin kufitar Bogorodicë - vendkalimin kufitar Tabanoc, zyrtarët policorë të stacionit policor të Negotinës kanë gjetur pesë emigrantë nga Maroku.
Emigrantët i janë dorëzuar zyrtarëve policorë nga Stacioni Policor i Vëzhgimit Kufitar Mihajllovë për veprime të mëtutjeshme", njoftojnë nga MPB./Telegrafi/
