Japonia do të shesë aeroplanë luftarakë në shkëputjen e fundit nga idealet pacifiste të pasluftës

Kabineti i Japonisë ka miratuar eksportin e aeroplanëve të rinj luftarakë që po zhvillon me Mbretërinë e Bashkuar dhe Italinë, në lëvizjen e fundit larg politikave të saj pacifiste, shkruan BBC.

Japonia lehtësoi rregullat e eksportit të armëve për të lejuar shitjen e aeroplanëve në vendet me të cilat Japonia ka nënshkruar pakte mbrojtëse, dhe ku nuk ka konflikt të vazhdueshëm.

Ky vend është zotuar të dyfishojë shpenzimet ushtarake deri në vitin 2027, duke përmendur kërcënimet e paraqitura nga Kina dhe Koreja e Veriut.

Çdo shitje e aeroplanëve luftarakë do të kërkojë miratimin e kabinetit, thanë autoritetet, transmeton Telegrafi.

Në dhjetor 2022, Japonia hyri në bordin e një bashkëpunimi Britani-Itali, të quajtur Tempest, për të zhvilluar këtë aeroplan të ri luftarak që do të përdorë inteligjencën artificiale dhe sensorë të avancuar për të ndihmuar pilotët.

Aeroplanët pritet të përdoren deri në vitin 2035 – në atë që është partneriteti i parë i Tokios për zhvillimin e pajisjeve të mbrojtjes me një vend të ndryshëm nga SHBA. /Telegrafi/