Janevska: Asistentët arsimor gradualisht po kompletohen në shkollat fillore

Në shkollën fillore “Gjorgjija Pulevski” në komunën e Aerodromit tashmë punojnë 12 asistentë arsimor për 15 fëmijët me nevoja të veçanta, ndërsa udhëheqësia pret për disa ditë të kompletohet ekipi

Sipas ministres së Arsimit dhe Shkencës Vesna Janevska, marrëveshjet me asistentë arsimor nënshkruhen edhe sot, që do të thotë, siç deklaroi, në ditët në vijim, asistentët gradualisht po hyjnë në shkolla.

“E kam thënë disa herë se ajo që ndodhi këtë vit është reflektim i pritjes së ribalancit të buxhetit dhe ecurisë relative të shkollave në mënyra të ndryshme. Mirëpo, qendra burimore “Zlatan Sremec”, e cila mbulon këtë territor, e përfundoi me sukses procesin, sot në këtë shkollë, besoj edhe në të tjerat, ka asistentë arsimor”, tha ministrja Janevska, pasi ajo dhe u.d. kryetari i Aerodromit Dejan Mitevski, u shpërndanë tableta nxënësve të klasës së katërt të shkollës.

Janevska ritheksoi se janë duke punuar në zgjidhje sistematike për angazhimin e asistentëve arsimor dhe se ligjet e reja për arsimin fillor, të mesëm dhe profesional do të përcaktojnë afate për përfundimin e gjithë procedurës, e cila duhet të jetë gati deri në qershor.

Risia e madhe, tha Janevska, është se sigurojmë asistentë edhe për shkollat e mesme, që deri tani nuk ishte rast, ndërsa gjithashtu asistentët do ta ndjekin nxënësin në të gjithë procesin e tij arsimor, përveç nëse ndërpritet nevoja për asistent, nëse asistenti vendos të tërhiqet nga ky proces ose në insistim të fortë të prindërve të cilët do të besojnë se fëmija i tyre mund të arrijë sukses më të mirë me ndonjë asistent tjetër sepse ndonjëherë është i nevojshëm ndryshimi i asistentit.

Ajo pret që asistentë arsimor në shkollat e mesme të ketë më herët në janar të vitit 2025.

“Ligji sa më shpejtë të vihet në debat publik, ai duhet të përfundojë, pastaj të kalojë në Qeveri, dhe të dorëzohet në Kuvend. Shumë shpejtë do të jetë në debat publik, të gjithë do të mund ta shohin dhe do të mund të reagojnë nëse kanë vërejtje te ndonjë nen”, tha Janevska.

Njoftimi për kornizën ligjore për arsimin dual, siç sqaroi, do të jetë me Ligjin për arsimin e mesëm profesional.

“Fillojmë gjashtë ligje që janë të lidhura në mënyrë të ndërsjellë – ligji për arsimin fillor, të mesëm, profesional, për arsimin e të rriturve dhe ligji për kornizë kombëtare të kualifikimeve. E shtojmë edhe ligjin për tekste shkollore që të mundet problemi të zgjidhet edhe të fillojmë të qetë vitin e ardhshëm. Shpresoj se në tetor ai proces do të përfundojë. Punojmë edhe në gjashtë ligje të reja të cilat gjithashtu duhet të miratohen menjëherë – ligji për mësimdhënës, për shërbim pedagogjik, për Qendrën Shtetërore të Provimeve, punojmë edhe në ligjin për arsimin e lartë. Në MASH na pret një dimër i vështirë dhe i gjatë, por ne vazhdojmë me tempo të njejtë”, deklaroi Janevska.