Italia ka arritur ta mposht Shqipërinë në ndeshjen miqësore të zhvilluar në ‘Albanian Arena’ me rezultat 3-1.
Rastin e parë në ndeshje e kishte Giacomo Raspadori, por Etrit Berisha ishte në vend, ndërsa Nicolo Zanioli nuk e qoi në portë topin e kthyer.
Në minutën e 16-të, Shqipëria kaloi në epërsi. Një harkim i bukur në zonë nga Nedim Bajrami gjeti kokën e Ardian Ismjalit që shënoi për 1-0.
Por vetëm pas katër minutash Italia arriti të barazojë me Vicenzo Grifon që asistoi te Giovanni Di Lorenzo, i cili gjeti rrjetën për 1-1.
Italianët vazhduan sulmet për të gjetur golin e epërsisë i cili nuk vonoi.
Zhvillohej minuta e 25-të, kur Giacomo Raspadori asistoi te Grifo që shënoi për 2-1.
Pas tre golave të shpejtë, më minutat e fundit të pjesës së dytë ritmi i ndeshjes ra paksa me të dy skuadrat që ishin më të kujdesshme.
Me të filluar pjesa e dytë Shqipëria ishte më e mirë dhe rrezikoi në disa raste.
Në minutën e 54-të ishte Myrto Uzuni i cili gjuajti bukur, por goditja e tij u ndal nga shtylla.
Pas ishte tentoi edhe Odise Roshi, por gjuajtja e tij u ndal nga portieri Alex Meret.
Sërish Shqipëria në rast të mirë në minutën e 62-të të ndeshjes, kur ishte shumë afër barazimit.
Goditja e Nedim Bajramit devijohet dhe ndalet në transversale, ndërsa nga topi i kthyer gjuan bukur Ermir Lenjani, gjuajtja e të cilit largohet nga vija e portës nga njëri prej mbrojtësve të Italisë.
Kur nuk i konkretizon rastet pason dënimi dhe ky ligj i pashkruar ishte i vlefshëm edhe për Shqipërinë.
Në minutën e 64-të, Vicenzo Grifo përfiton nga një top i kthyer i mbrojtjes shqiptare dhe ndëshkon Etrit Berishën për 3-1.
Shqipëria tentoi të kthehej në lojë në minutën e 76-të, por gjuajtja e Roshit sërish u ndal nga Meret.
Në minutën e 88-të rrezikoi edhe Xhuliano Skuka, por gjuajtja e tij u ndal nga Meret.
Ndeshja u mbyll me fitoren e Italisë, por Shqipëria tregoi se ka potencial dhe forcë të luajë edhe kundër ekipeve të mëdha. /Telegrafi/
