Sport Futboll Ndërkombëtare

Inzaghi pas fitores: Interit i vjen keq që nuk fitoi me më shumë gola ndaj Atleticos

Para 11 muajve

Simone Inzaghi pranon se ndjen ‘pendim’ që Interi mundi Atletico Madridin vetëm 1-0 në ndeshjen e parë të 1/8-tës në Ligën e Kampionëve.

Nerazzurrëve iu desh të luftonin fortë për të thyer skuadrën ‘famëkeqe’ të Diego Simeone, e cila ishte vendosur për të neutralizuar taktikisht kundërshtarët e tyre në ndeshjen në udhëtim.

Marko Arnautovic iu desh të zëvendësonte Marcus Thuramin e lënduar në pjesën e parë dhe humbi disa mundësi të mëdha përpara golit të fitores.

“Është shumë e kënaqshme, djemtë ishin të mrekullueshëm kundër një skuadre fizike, teknike që nuk e bëri aspak të lehtë”, ka thënë fillimisht Inzaghi për Sky Sport Italia.

“Ne e dimë se kjo është vetëm ndeshja e parë, ndeshja e dytë do të jetë e vështirë, dhe sigurisht që ka keqardhje për rezultatin duke marrë parasysh gjithçka që krijuam, ne merituam një rezultat më të thellë. Ky është futbolli, ne vazhdojmë”.

Atletico nuk ka arritur asnjë goditje të vetme në portë, hera e parë që Interi ka pasur një natë kaq të qetë në mbrojtje që nga nëntori 2006 kundër Sporting CP.

Ashtu si sezonin e kaluar, Interi ka fituar ndeshjen e parë të fazës së 1/8-tës me rezultatin 1-0 në Giuseppe Meazza.

“Do të jem i sinqertë, duke parë sezonin e kaluar, Porto na shkaktoi më shumë probleme në rrugën drejt finales. Çdo ekip është i vështirë për t’u mposhtur kur arrin në këtë fazë të garës”.

Head Chef and Sous Chef 👨‍🍳 #ForzaInter #UCL #InterAtleticoMadrid pic.twitter.com/Ww5KMbJdW4

— Inter ⭐⭐ (@Inter_en) February 20, 2024

Tradicionalisht mesfushorët e Interit dolën përpara në sulm, por këtë mbrëmje iu desh të punonin për të ndihmuar edhe mbrojtjen.

“Ishim përballë kundërshtarëve cilësorë, por Interi luajti shumë mirë. Të mos harrojmë se kur Atletico Madrid e ka topin, është e vështirë ta marrësh atë. Ne ndoshta bëmë shumë pasime të gabuara në pjesën e parë, por Atletico u mbyll me dy linja”.

“Ne e lëvizëm topin më mirë pas pushimit dhe mendoj se merituam më shumë se 1-0. Mesfushorët u sakrifikuan dhe punuam si ekip. Zëvendësimet ndihmuan, pasi nuk ishim vetvetja jonë e zakonshme në shtatë apo tetë minutat e para të pjesës së dytë, por u kthyem në rrugën e duhur, krijuam raste që duhej t’i kishim shënuar”.

“E di që Sommer nuk bëri asnjë pritje të vërtetë, por kishte disa situata si gjuajtja e Samuel Linos dhe goditja me kokë e Alvaro Moratas, ku mund të kishim bërë më mirë”, përfundoi trajneri i Interit.

Interi tani i ka fituar të nëntë ndeshjet e tyre konkurruese të luajtura në vitin 2024 midis Serie A, Superkupës së Italisë dhe Ligës së Kampionëve.

Ndeshja e kthimit do të zhvillohet në Ëanda Metropolitano më 13 mars dhe nuk ka asnjë rregull të golave si mysafirë tani në Evropë, kështu që nëse Atletico fiton me një diferencë prej një goli, ndeshja do të shkojë në kohën shtesë. /Telegrafi/