Instagram shërbim me video, si përgjigje ndaj Vine?

Sipas TechCrunch, më 20 qershor Facebook do të bëjë një njoftim interesant. Pritet që rrjeti social të lëshojë shërbimin e ri për video në shërbimin e saj të famshëm të fotografive, Instagram.

Faqja ka cituar burime të besueshme të cilat janë të afërta me këto zhvillime, dhe sipas këtij burimi, brenda pak ditësh përdoruesit e Instagram do të kenë mbështetje dhe shërbim të ri, i cili përfshin videon. Nga shumë njerëz të industrisë, kjo shihet si një përgjigje ndaj Vine të rivalit të saj, Twitter.

Dhe ngjashëm sikur Vine, i cili lejon incizimin e videove jo më të gjata se sa 6 sekonda, edhe video e Instagram, do të ofrojë të njëjtin shërbim, mirëpo kohëzgjatja e videos do të jetë deri në 10 sekonda.

Pasi shërbimi i Twitter është popullarizuar shumë shpejtë, ka shumë kuptim që edhe Facebook ta ndjek këtë hap me biznesin e saj të ri, Instagram, dhe 20 qershori është vënë si datë e mundshme e këtij lansimi, bashkë me shërbimin e përfolur, Facebook RSS Reader. / Telegrafi /