Hekuran Kryeziu nuk e di nëse do të jetë i gatshëm për Bullgarinë

Danimarka në kohën shtesë ka arritur të barazoj rezultatin kundër Kosovës në kuadër të një ndeshje miqësore të zhvilluar në Prishtinë.

Hekuran Kryeziu ishte lojtari që i ka munguar ‘dardanëve’ shkaku i një lëndimi të pësuar gjatë fundjavës në kampionatin zviceran.

Futbollisti nuk e di nëse do të mund të paraqitet gjatë ditës së hënë kundër Bullgarisë, ku Kosova do të nis kampanjën për kualifikim në kampionatin evropian të vitit 2020.

“Nuk e di a do të luaj, por shpresoj dhe po të mos kisha shpresa s’do të vija fare. Mendoj që po, por sot nuk mund të them 100 për qind po apo jo”.

“E pamë që kemi kualitet të mirë dhe ata që do të luajnë do të japin maksimumin dhe do të marrim rezultat pozitiv”, ka thënë ai pas ndeshjes.

Lexo po ashtu Eriksen për gjestin e tifozit që në mes të ndeshjes i kërkoi fanellën: Kurrë më parë nuk e kam provuar këtë ndjesi

Lexo po ashtu Mediat daneze: Mirë! Danimarka shmangi poshtërimin kundër Kosovës

Ai më tutje pohoi se kushdo që luan do të japë më të mirën për Kosovën pasi ë tifozët e meritojnë shkaku i mbështetjes.

Ndryshe, Kryeziun e ka zëvendësuar mesfushori tjetër i talentuar, Besar Halimi, ku ky i fundit mund të luajë sërish në rast se nuk shërohet Hekurani. /Telegrafi/