Harta e animuar e gjuhëve indoevropiane shquan shqipen (Video)

Redaktorët e Bussines Insider kanë publikuar një animacion interesant të hartës që paraqet si u zhvilluan e u përhapën gjuhët indoeuropiane.

Për këtë hartë do thënë se janë meritorë biologët nga Universiteti i Oklahomës me në krye Quentin Atkinson, të cilët këtë studim interesant e realizuan në gusht të vitit 2012.

Sipas përfundimeve të tyre stërgjyshe e gjuhëve indeoeuropiane ishin ato antaliote, nga të cilat pastaj me kohë u lindën gjuhët baltosllave, përkatësisht indoiraniane, transmeton Koha.net.

Se çfarë ndodhi pastaj tregon animacioni, por para se ta shikoni ta dini se me të nuk pajtohen absolutisht të gjithë ekspertët.

Nuk janë të gjithë të një mendjeje rreth embrionit të gjuhëve indoeuropiane. Do përmendur se hipotezës ‘Antaliane” i kundërvihet ajo “Kirgiane”, sipas të cilës me to së pari u shërbyen njerëzit nga Stepet e Pontit.

Në mesin e gjuhëve të hershme indoevropiane është edhe gjuha shqipe, e cila paraqitet në hartë pas asaj në Turqi (antaliane) dhe baltosllave. Në fillim ajo ka një shtrirje më të madhe, por me kalimin e kohës ajo tkurret.

Për këtë arsye ndoshta “pema e ardhshme e gjuhëve indoevropiane” nuk do të jetë plotësisht e saktë, por pavarësisht nëse harta ka disa mangësi (për këtë do të thonë fjalën njohuritë e ardhshme), e vlen të shikohet, meqë animacioni zbulon si ndodhi “shpërthimi gjuhësor” në Europë e Azi.