Hamza: Do ta digjitalizojmë sistemin shëndetësor

Kandidati i Partisë Demokratike të Kosovës për kryeministër, Bedri Hamza ka thënë se do ta digjitalizoj sistemin shëndetësor dhe Fondin e Sigurimeve Shëndetësore.

Hamza në një postim në Facebook shkruan se synojnë që edhe proceset në sistemin e drejtësisë, administratën dhe shërbimet publike t’i digjitalizojmë.

Lexoni të plotë postimin e tij:

Një kafe me Uranikun, një prej ekspertëve më të mirë në sektorin e Teknologjisë së Informacionit dhe Komunikimit. Unë do ta digjitalizoj sistemin shëndetësor dhe Fondin e Sigurimeve Shëndetësore. Në një platformë digjitale, tërësisht të integruar dhe efikase, do t’i lidhim të gjitha nivelet e kujdesit dhe shërbimeve shëndetësore.

Ne biseduam edhe për shtyllat e zhvillimit të këtij sektori, që janë kompletimi i infrastrukturës së nevojshme, edukimi dhe shtimi i kuadrove, i cili nxit krijimin e bizneseve të reja në sektorin e ICT-së.

Edhe mësimdhënien, proceset në sistemin e drejtësisë, administratën dhe shërbimet publike synojmë t’i digjitalizojmë.

Kosova mundet ma mirë! #PDK131. /Telegrafi/