Haaland apo Mbappe? Ylli i Real Madridit zgjedh të preferuarin e tij

Portieri i Real Madridit, Andriy Lunin, ka zgjedhur të preferuarin e tij mes Erling Haaland dhe Kylian Mbappe, me te dy lojtarët të cilët janë lidhur me një kalim tek gjiganti i La Ligas.

Që të dy, Haaland dhe Mbappe, ka pasur thashetheme për një kalim të tyre tek Real Madridi, pasi spekulimet për transferimin e mundshëm të tyre në “Santiago Bernabeu” nuk kanë pasur fund.

Teksa shumica e tifozëve do të kishin mendime të ndryshme, Lunin nuk hezitoi kur bëri zgjedhjen e tij gjatë një sesioni pyetje/përgjigje.

“Si një numër nëntë, Erling Haaland”, ka thënë Lunin duke preferuar më shumë përshtatshmërinë e Haalandit si një numër nëntë.

Lexo po ashtu Real Madridi zgjedh alternativën e Alphonso Davies, çmimi i tij është qesharak

Nëse ndonjëri prej këtyre dy lojtarëve do t’i bashkohej Realit, do të ishte një blerje ‘galactico’ për të përforcuar edhe më shumë ekipin krahas yjeve si Vinicius Junior dhe Jude Bellingham.

Mbappe raportohet se tashmë ka marrë vendimin e tij për t’u larguar nga PSG-ja gjatë verës, por ai dëshiron që ta bëjë këtë në kushte miqësore dhe dyshohet se ka premtuar që të heq dorë nga një bonus besnikërie prej 80 milionë eurosh, në rast se largohet gjatë verës nga kryeqyteti francez.

PSG tashmë ka përpiluar listën e kandidatëve potencial për zëvendësimin e Mbappes, ku aty përfshihen emra si Marcus Rashford, Victor Osimhen dhe Benjamin Sesko./Telegrafi/

https://twitter.com/Bellinghamyman_/status/1755928308464627766