Gruas myslimane i mohohet hyrja në një klub nate, thotë se “kurrë në jetë nuk ishte trajtuar aq keq”

Një grua myslimane thotë se u ndje e ‘poshtëruar’ dhe ‘dhunuar’ pasi iu refuzua hyrja në një klub nate, pasi kishte veshur një mbulesë.

Sipas mediave të huaja, përcjell Telegrafi, Soaliha Iqbal ishte në radhë me miqtë jashtë një vendi në Sidnei, kur një anëtar i stafit të dyerve i kërkoi asaj që të hiqte hixhabin.

Ajo shkroi: “Bisedoja dhe qeshja me shokët e mi. Unë ndërpreva bisedën në mes për të dorëzuar ID-në tim por ai nuk e kërkoi ose e mori. Përkundrazi, ai tregoi hixhabin tim dhe tha ’hiqeni atë’”.

Më pas, 21-vjeçarja thotë se ishte e tronditur me kërkesën dhe se nuk mund të mblidhte fjalët për t’u përgjigjur dhe ndjehej e diskriminuar.

Policia që ishte në zonë duhej të ndërhynte pasi debati midis zonjës Iqbal dhe stafit të derës u bë më i nxehtë, pasi roja u quajt racist.

Znj. Iqbal i ishte thënë që të largohej 50 metra larg vendit, pasi stafi përmendi një ligj që u kërkonte atyre që u ishte refuzuar hyrja në një vend, ta bëjnë këtë.

Ajo tha se trajtimi i saj kishte një diskriminim të ashpër dhe se ajo kurrë “nuk ishte trajtuar aq keq në tërë jetën e saj”.

Iqbal gjithashtu tha që ajo nuk ka pasur problem me lokale të tilla në të kaluarën duke e lejuar atë të hyjë me hixhabin e saj sepse ata e dinë që ajo nuk pi dhe nuk do të shkaktojë probleme. /Telegrafi/