Google me dizajn të ri të Google+

Google+ nuk e ka arritur gjithë potencialin e saj si një rrjet social i zhvilluar dhe i promovuar nga Google, një nga organizatat më të mëdha dhe më inovative në botë.

Megjithatë, gjiganti i teknologjisë nuk është duke hequr dorë nga platforma e saj.

Të martën, Google ka njoftuar se ka filluar projektin e ridizajnimit të rrjetit të saj social Google+, me një format krejtësisht të ri, që do të fokusohet mbi Komunitetet dhe Koleksionet, thuhet sipas një postimi në bloëgun e Eddie Kessler nga Google.

I nisur në 2011, Google+ teknikisht ka mbi 2 miliardë përdorues – pasi të gjithë njerëzit që kanë një llogari në Google automatikisht kanë edhe faqen e tyre në rrjetin social.

Megjithatë, në prill u vlerësua nga Stone Temple se rrjeti social i Google ka më shumë së 90 për qind të përdoruesve të saj të cilët kurrë nuk kanë postuar ndonjë gjë në platformën e saj sociale.

Google+ besohet se ka rreth 212 milionë përdorues aktivë. Sa për krahasim, në shtator të këtij viti, Facebook njoftoi se kishte arritur në mbi 1 miliard përdorues të përditshëm aktivë.