La Liga ka qenë gjithmonë e mbushur me sulmues elitarë, ndërsa në sezonin 2022/2023 i është bashkëngjitur edhe sulmuesi polak, Robert Lewandowski.
Ylli i Barcelonës tashmë është duke konkurruar për golashënuesin më të mirë të këtij edicioni, së bashku me kapitenin e Real Madridit, Karim Benzema.
Në renditjet e para në listë është edhe sulmuesi i Kosovës, Vedat Muriqi, i cili mbron ngjyrat e Mallorcas.
Golashënuesit më të mirë në La Liga deri më tani në këtë sezon:
| Renditja | Futbollisti | Klubi | Gola |
|---|---|---|---|
| 1 | Robert Lewandowski | Barcelona | 13 |
| 2 | Joselu | Espanyol | 10 |
| 3 | Karim Benzema | Real Madrid | 9 |
| 4 | Borja Iglesias | Real Betis | 8 |
| =4 | Vedat Muriqi | Mallorca | 8 |
| =4 | Iago Aspas | Celta Vigo | 8 |
| =4 | Alexander Sorloth | Real Sociedad | 8 |
| 8 | Alvaro Morata | Atletico Madrid | 7 |
| =8 | Brais Mendez | Real Sociedad | 7 |
| 10 | Federico Valverde | Real Madrid | 6 |
| =10 | Vinicius Junior | Real Madrid | 6 |
| =10 | Chimy Avila | Osasuna | 6 |
| =10 | Antoine Griezmann | Atletico Madrid | 6 |
| 14 | Sergio Leon | Real Valladolid | 5 |
| =14 | Inaki Williams | Athletic Club | 5 |
| =14 | Edinson Cavani | Valencia | 5 |
| =14 | Gorka Guruzeta | Athletic Club | 5 |
| =14 | Ousmane Dembele | Barcelona | 5 |
| =14 | Cristhian Stuani | Girona | 5 |
| =14 | Isi Palazon | Rayo Vallecano | 5 |
| =14 | Enes Unal | Getafe | 5 |
Kush ishte golashënuesi më i mirë i sezonit të kaluar
Në edicionin 2021/2022 munguan emra, si Lionel Messi e Cristiano Ronaldo, në listën e golashënuesve më të mirë në kampionatin spanjoll, të cilin e kryesoi Karim Benzema.
Sulmuesi i Real Madridit ishte në formë frymëzuese duke i ndihmuar klubit ta fitonte titullin e La Ligas dhe Ligën e Kampionëve.
Francezi realizoi 27 gola në kampionat duke e fituar trofeun Pichichi (që është emëruar sipas ish-sulmuesit të Athletic Bilbaos, Rafael ‘Pichichi’ Moreno). /Telegrafi/