Gjykata e Apelit ul dënimin me burg të “Boki 13” për rastin “Haraçi”

Gjykata e Apelit ia ka ulur dënimin Bojan Jovanovskit, i njohur në opinion si Boki 13, në rastin “Haraçi” për katër vjet, nga nëntë në pesë vjet burgim, ka konfirmuar për “Sloboden Peçat” avokati i tij mbrojtës Vladimir Tufegxhiq. Me këtë, Jovanovskit i kanë mbetur edhe pak muaj për të vuajtur dënimin.

Siç raportojnë disa media, ky vendim gjyqësor është marrë për shkak të gjendjes shëndetësore të Jovanovskit.

“Boki 13” aktualisht ka një dënim me burg me kusht në bazë të dokumentacionit mjekësor të siguruar nga një bord mjekësor. Disa mjekë pohojnë se ai është invalid i shkallës së parë dhe nuk mund të kryejë dënimin me burg. Gjykata i pranoi ato gjetje mjekësore dhe e lejoi atë të qëndronte i lirë. Në vitin 2023, Jovanovski iu nënshtrua një operacioni për heqjen e plotë të stomakut.

Në fund të janarit, Jovanovski në llogarinë e tij në Instagram njoftoi se shëndeti i tij është ende në rrezik. Ish-prezantuesi i televizionit nuk ka dashur të komentojë problemet e tij, ndaj ka kërkuar privatësi./Telegrafi/