Një burrë nga Virginia, SHBA, ka vdekur pasi një ari në një pemë që është qëlluar nga një prej partnerëve të tij të gjuetisë ra mbi të, thanë zyrtarët e shtetit.
Incidenti ndodhi më 9 dhjetor në qarkun Lunenburg, i cili ndodhet midis Richmond dhe Danville, tha në një deklaratë Departamenti i Burimeve të Jetës së Egër të Virginia.
Një grup gjuetie po ndiqte ariun kur ai vrapoi te pema, tha departamenti, transmeton Telegrafi.
Ndërsa grupi u tërhoq nga pema, një gjahtar qëlloi ariun. Kafsha ra mbi një gjahtar tjetër i cili po qëndronte rreth 3 metra nga fundi i pemës.
Departamenti e identifikoi burrin si Lester C. Harvey, 58 vjeç, nga Phenix, Virginia.
Një anëtar i grupit i dha ndihmën e parë përpara se Harvey të dërgohej me urgjencë në dy spitale të ndryshme. Ai vdiq nga plagët të premten. /Telegrafi/
