Gjest fantastik nga Kane – anglezi refuzoi shiritin e kapitenit pasi nuk deshi ta ngre trofeun ndaj ish-ekipit të tij

Pritjes së gjatë të Harry Kane për të fituar një trofe i erdhi fundi pasi bavarezët janë shpallur fitues të trofeut ‘Visit Malta’.

Sulmuesi anglez këtë e arriti në një vend krejtësisht të njohur për të, pasi gjiganti gjerman mposhti klubin e vjetër të tij Tottenhamin në Londër.

Anglezi shënoi plotë 213 gola në Ligën Premier gjatë kohës sa ishte pjesë e Tottenhamit, para se të merrte vendimin e vështirë që të largohej dhe t’i bashkohej Bayernit.

Kërkimi i tij për trofe luajti një rol të madh në vendimin që mori për t’u larguar nga Spurs pas më shumë se dy dekadave me fanellën e tyre.

Harry Kane, who was Bayern’s captain vs. Tottenham in a preseason friendly, declined lifting the trophy in his former club’s stadium.

Respect 🥹🤍 pic.twitter.com/Om6Fhgzgdy

— ESPN FC (@ESPNFC) August 10, 2024

Rikthimi në Londër bëri që ai të ribashkohet me ish-kolegët e tij si Heung-min son si dhe tifozët që ishin të kënaqur të shihnin ‘heroin’ e tyre të rikthehet.

Megjithatë, ajo që mori më së shumti vëmendjen ishte gjesti që 31-vjeçari bëri me të përfunduar ndeshja.

Ish-ylli i Tottenhamit e mbylli ndeshjen si kapiten pasi Joshua Kimmich u zëvendësua nga loja. Sidoqoftë, Kane refuzoi që të jetë personi që mban shiritin dhe ta ngre trofeun përballë tifozëve të tij të vjetër.

Pamjet e mëposhtme tregojnë se si ai ia kthen shiritin Kimmichit si dhe gjatë momentit të ngritjes së trofeut pozicionohet në një vend ‘të fshehtë’.

Harry Kane refused the armband before the celebrations against Spurs, so he didn’t have to lift the trophy against his former club 🤍pic.twitter.com/BHePHAGJ8V

— CentreGoals. (@centregoals) August 10, 2024

Kane cilësohet si një figurë legjendare në veri të Londrës, teksa ai dhe ish-lojtari tjetër i Tottenhamit, Eric Dier, u pritën me dhurata pas rikthimit të tyre në Angli./Telegrafi/