Ministrja e Punëve të Jashtme dhe Diasporës Donika Gërvalla, gjatë vizitës së saj zyrtare në Riad, ka zhvilluar një bashkëbisedim edhe me diplomatë, në kuadër të Institutit për Studime Diplomatike Princ Saud Al Faisal të Arabisë Saudite.
Siç njoftohet Gërvalla ka shpjeguar para diplomatëve sauditë zhvillimin dhe perspektivën e Republikës së Kosovës, duke u ndalur gjerësisht në trashëgiminë dhe vlerat që e karakterizojnë shtetin më të ri evropian si një nga kulturat më të vjetra në Evropë.
“Ne jemi një vend me shumicë myslimane, por jemi krenarë për traditën tonë shekullore dhe trashëgiminë e tolerancës fetare dhe respektit fetar midis besimeve të ndryshme në vend”.
“Jemi duke bërë përpjekje që të anëtarësohemi në Bashkimin Evropian dhe konsiderojmë se Bashkimi Evropian nuk është i plotë pa këtë pjesë të Evropës”, ka plotësuar ajo.
Teksa ka shpjeguar aspiratat, por edhe angazhimin konkret të Kosovës për të qenë pjesë e familjes evropiane, ka thënë se Kosova ka synim edhe anëtarësimin në NATO. Gërvalla ka theksuar kontributin simbolik të Kosovës përmes trupave të saj të udhëhequr nga ShBA-të, kundër grupeve terroriste në Irak.
“Të dy vendet tona janë anëtare të koalicionit global kundër Daesh. Pra ne jemi partnerë në parandalimin dhe luftimin e terrorizmit si një kërcënim për botën dhe vendet tona”, ka shtuar Gërvalla.
Kosova ka thënë se është vendi që shfaq mbështetjen më të fuqishme ndaj BE-së dhe NATO-s, si dy shtylla të paqes dhe stabilitetit në Evropë dhe më gjerë. Kryediplomatja e Kosovës ka nënvizuar se Kosova do të bëjë të gjithë atë që është e mundur, pa u dorëzuar asnjëherë, deri në arritjen e të gjitha objektivave që përfshijnë edhe anëtarësimin e shtetit në këto organizata dhe në shumë të tjera, duke përfshirë edhe Kombet e Bashkuara.
Tutje është diskutuar lidhur me marrëdhëniet ndërkombëtare dhe politikat globale. Gërvalla ka thënë se dinamikat e sotme kanë krijuar një botë e cila është më e ndërvarur se kurrë më parë. Pavarësisht nga madhësia e shteteve, veprimet e caktuara ka thënë se mund t’i prekin vendet përreth apo edhe pjesët e tjera të botës. Andaj, sipas Gërvallës, nevoja për të komunikuar dhe shkëmbyer eksperiencat është më e nevojshme se kurrë më parë.
“Ne duhet të gjejmë përgjigje parimore dhe të qëndrueshme për sfidat e reja. Ne duhet të gjejmë përgjigje inteligjente dhe për këtë kemi nevojë për bashkëpunim”.
“Është e qartë se ne po jetojmë në një periudhë ndryshimi të jashtëzakonshëm si në aspektin ekonomik ashtu edhe në atë politik e ushtarak”, ka plotësuar ajo.
Më tej, ministrja Gërvalla i është përgjigjur interesimit të madh të diplomatëve saudit rreth temave që lidhen me marrëdhëniet ndërkombëtare, diplomacinë ekonomike, angazhimin e Kosovës në rrugën e saj drejt integrimit euro-atlantik, çështjet rajonale dhe fqinjësore.
Lufta Prigozhin - Putin
Më shumëNga Rubrika
“Propozimi u diskutua me Ramën gjatë një kafeje në Davos”, WSJ zbulon planet e Jared Kushner dhe Ivanka Trump për Sazanin
SPAK dyshon se u “tradhtua” në të paktën 12 raste
Një në 11 vdekje në Evropë ndodh për shkak të alkoolit, mjekët: 25% e shqiptarëve janë pijedashës
Nga Mali i Zi në Kosovë: Historia e mjekes që u bë dorë e zgjatur për shumë gra
Gjukiq: Masat e Serbisë në lidhje me Kosovën, veprime të gabuara
Ndërron jetë vëllai i Jakup Krasniqit
Plagosjet dhe vrasjet aksidentale, kërkohet hetimi i cilësisë së trajnimit të policëve
Pjesëtarë të forcës strategjike të NATO-s shfaqen te Ura e Ibrit dhe në veri të Kosovës, KFOR-i del me njoftim
Plagosje me armë zjarri në Mitrovicë
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Cili vend i BE-së ka më shumë njerëz që mësojnë shumë gjuhë?
Rrëfimi i dy paraguajanëve që mahniten me sakrificën e familjes Jashari kur vizitojnë Prekazin
Ronaldo u cilësua 'i paturpshëm' nga fansat për atë që postoi në YouTube momente pasi Messi fitoi trofeun me Inter Miamin
Detaje se si Michael Schumacher komunikon me familjarët pas 'paraqitjes së parë publike' në 11 vjet
Pamje rrëqethëse, filmohet momenti kur rrufeja godet shëtitoren në Tivar
Gjatë një sulmi ajror, ushtria izraelite godet depon ruse në bazën ushtarake në Siri