Sipas të dhënave të fundit nga Qendra për Menaxhim Kufitar, fluksi në pikat kufitare të Kosovës paraqitet me pritje të shkurtra për automjetet dhe kamionët.
Për automjetet hyrja dhe dalja në shumicën e pikave kufitare zgjat mesatarisht 3-5 minuta, ndërsa pritjet në dalje te Dheu i Bardhë arrijnë deri në 60 minuta.
Në këtë pikë kufitare regjistrohet edhe kolona prej 500 metrash në dalje për automjetet. Në të gjitha pikat e tjera kolonat në hyrje dhe dalje janë zero.
Kamionët përfundojnë kontrollet me pritje mes 3-5 minutash në shumicën e pikave, dhe kolonat janë të papërfillshme në të gjitha pikat kufitare.
Pikat kufitare si Bërnjak, Glloboqicë, Hani i Elezit, Jarinje, Kullë, Merdar, Muçibabë, Mutivodë, Qafë e Morinës, Qafë e Prushit, Stançiq dhe Vërmicë regjistrojnë pritje minimale dhe nuk kanë kolona të gjatë.
Për udhëtarët dhe transportuesit, situata është e qetë dhe pa vonesa të konsiderueshme. /Telegrafi/
