Filmoi punonjësen e vet duke rënë nga kati i shtatë, gjykata e Kuvajtit dënon me një vit e tetë muaj gruan që e filmoi (Video, +18)

Gjykata e Kuvajtit ka dënuar një grua me një vit tetë muaj heqje lirie, pasi kishte filmuar me telefon të mençur shërbëtoren e saj nga Etiopia duke rënë nga kati i shtatë i ndërtesës.

Në videon rrëqethëse shihet një grua nga Etiopia, duke qarë dhe kërkuar ndihmë derisa qëndron e varur në kornizën e dritares,  dhe që në një moment humb forcën dhe bie, transmeton Telegrafi.

Për fat të mirë ajo i ka shpëtuar më të keqes, ndërsa në video shërbëtorja dëgjohet duke bërtitur, “më mbaj, më mbaj” dhe atë disa sekonda para se t’i rrëshqiste dora dhe të binte.

Megjithatë, pronarja e apartamentit jo vetëm që nuk e ka ndihmuar, por ka vazhduar ta filmojë agoninë e saj. Dhe pasi që nuk kishte ndërmarrë asgjë për ta ndihmuar, ajo ka përfunduar prapa grilave.

Ngjarja e tmerrshme kishte ndodhur vitin e kaluar, kurse Kuvajti njihet si një vend ku mbi 600 mijë shërbëtore janë të punësuara. Shumica prej tyre janë nga Azia dhe vendet Afrikane, dhe shpesh ankohen për keqtrajtime, përulje dhe paga të ulëta. /Telegrafi/

https://www.youtube.com/watch?v=Bj76ONFT_-4