Filmohet eksperti i arteve marciale duke e goditur me kokë në fytyrë një burrë (Video, +18)

Eksperti i arteve marciale është filmuar nga kamerat e sigurisë duke e goditur me kokë në fytyrë një burrë, të cilin më pas e rrëzon në ringun e boksit dhe vazhdimisht e godet.

Në videon e publikuar më poshtë, shfaqen dy burra në palestër duke biseduar, kur befasisht njëri prej tyre e sulmon tjetrin duke e goditur me kokë në fytyrë, transmeton Telegrafi.

Ngjarja e tmerrshme ka ndodhur në Holywell të Wales-it, ndërsa një person që mundohet t’i ndajë vazhdimisht u bën thirrje që të ndalen, por thirrjet e tij hasën në vesh të shurdhër dhe kështu sulmuesi vazhdoi me grushta e shkelma.

Megjithatë, ngjarja përfundon duke u ngritur në këmbë dyshja dhe duke shkëmbyer sërish disa fjalë. Instruktori i Muay Thai, Matthew Inskip ka pranuar se ishte pikërisht ai që nuk u përmbajt dhe e nxiti burrin tjetër.

Por, ai duke u munduar të arsyetohet për veprimin ka thënë se ka vepruar në afekt, pasi viktima e kishte kërcënuar disa herë. Mediat angleze raportojnë se Inskip i ka kërkuar falje viktimës së sulmit brutal.

Megjithatë policia ka konfirmuar se ka filluar hetimet, dhe se viktima edhe pse në shikim të parë dukej se ka pësuar lëndime të rënda trupore, ai ka shpëtuar me disa gërvishtje. /Telegrafi/