Filipçe: Rritja e kapitacioneve është zbatim i reformës serioze në shëndetësi

Ministri i Shëndetësisë, Venko Filipçe sot në seancën kuvendare për pyetjen e deputetëve tha se më shumë se 5.000 miratime për punësim në institucionet e shëndetit publik janë lëshuar në dy vitet e fundit dhe më shumë se 900 specializime janë aprovuar për periudhën katër vjeçare, përcjell Telegrafi Maqedoni.

“Me ndryshimet në Ligjin për kujdesin shëndetësor ne mundësuam që të gjithë mjekët e rinj të paguhen në shumë prej 30 mijë denarëve, menjëherë pas marrjes së provimit të licencës në Odën e Mjekëve. Të edukohen nga kolegët e tyre më të vjetër në mënyrë që të depërtojnë në sistem dhe të pranohen pa ndonjë faktor diskriminimi. Të gjithë ata që kanë aplikuar për shpalljen e punës, kanë fituar vende pune gjithsej 290 persona, Ato janë shpërndarë në Shërbimet e Urgjencës, Vaksinat dhe Shërbimet e Patronazhit”, tha Ministri Filipçe.

Filipçe tha se vazhdimisht janë rritur pagat e punonjësve shëndetësorë, ndërsa specialistë privatë për herë të parë paguhen për punën e tyre.

Filipçe theksoi se rritja e kapitacioneve nuk është vetëm një rritje e të ardhurave për mjekët amë, por edhe zbatimi i një reforme serioze në kujdesin shëndetësor parësor./Telegrafi/