Filipçe: E kemi siguruar terapinë e duhur për një numër të konsiderueshëm të pacientëve

Ministri i Shëndetësisë Venko Filipçe, sot në konferencë për shtyp ka informuar rreth gjendjes shëndetësore të pacientëve të infektuar me coronavirus.

Ai konfirmoi se numri i përgjithshëm i të prekurve është 136, prej të cilëve një është shëruar dhe dy të tjerë kanë ndërruar jetë, njofton Telegrafi Maqedoni.

Filipçe tha se tre pacientë janë në gjendje të përkeqësuar, ndërsa shtoi se është siguruar terapia e duhur për një numër të konsiderueshëm të pacientëve.

“Për sa i përket terapisë, duke pasur parasysh se në shumë studime kanë dalë nga terapia tashmë të aplikuara në të gjithë botën, më lejoni të njoftoj se ne kemi ofruar të gjithë terapinë e nevojshme për një numër shumë të madh të pacientëve. Kombinimi i terapive deri tani ka rezultate të mira në trajtimin e këtyre pacientëve”, tha Filipçe.

Ai shtoi se kjo është terapi pa etiketë, të cilën shumë vende e kanë futur tashmë në protokoll pasi ka dhënë rezultate dhe kjo është arsyeja pse zbatohen edhe në vendin tonë./Telegrafi/