FIK miratoi financimin e Planit Investues të Maqedonisë së Veriut për tranzicion të përshpejtuar energjetik me vlerë 85 milionë euro

Financimi i Fondit të Investimeve Klimatike (FIK) për Maqedoninë e Veriut, me një vlerë prej 85 milionë euro, ka shënuar një hap të rëndësishëm drejt tranzicionit të përshpejtuar energjetik të vendit. Kjo shumë do të sigurojë fondet e para për zbatimin e Platformës Investuese për Tranzicion të Drejtë në vlerë prej 3 miliardë euro.

Ky plan investues ka për qëllim largimin e energjisë që vjen nga qymyri dhe ndërtimin e një infrastrukture për energji të pastër. Ministria e Ekonomisë ka prezantuar planin para përfaqësuesve të Fondit për Investime Klimatike, BERZH-it, Bankës Botërore dhe FIK-së.

Me këtë plan, Maqedonia e Veriut shpreh qëllimin e saj për të reduktuar emetimet e gazeve serrë me 82% deri në vitin 2030, duke vlerësuar objektivat e Marrëveshjes së Parisit. Përmes kësaj iniciative, synohet të ndërtohet një ekonomi e qëndrueshme dhe gjithëpërfshirëse, duke shpresuar të kursejë mbi 13 milionë tonë emetim CO2 deri në vitin 2038.

Plani përfshin mbylljen e termocentraleve me qymyr, rindërtimin e zonave të minierave, investime në energji të rinovueshme dhe ruajtje të energjisë. Gjithashtu, parashikohet zhvillimi i aftësive të punëtorëve për t’u përshtatur në sektorin e energjisë së pastër.

Ky investim synon të jetë një shembull i suksesshëm për të tjerët, duke udhëhequr një tranzicion të drejtë në Ballkanin Perëndimor dhe më gjerë.