Familjarët që nuk do të takohen më ‘kurrë’: Nëna 99-vjeçare nga Koreja e Jugut, përshëndeti të bijat që mbetën në Korenë e Veriut (Foto)

Ky është momentin i dhimbshëm, kur nëna 99-vjeçare që po kthehet në Korenë e Jugut, pëshpëriti ‘lamtumirën’ ndaj të bijave që jetojnë në shtetin e izoluar, pas një takimi emocional.

Ha Shin i ka lëvizur buzët me vështirësi, për t’ju thënë ‘mos qani’ të bijave në të 70-at, të cilat e ndoqën autobusin derisa u ndaluan prej zyrtarëve të sigurisë, transmeton Telegrafi.

Imazhet pikëlluese që janë shkrepur në North Diamond Mountain, tregojnë takimin e rrallë mes këtyre familjarëve, që sipas të gjitha gjasave, nuk do të shihen më kurrë.

Shin dhe të bijat Kim Kyung-Sil 72-vjeçare dhe tjetra një vit më e re, Kim Kyoun-Young u takuan pas disa dekadash, që kur i ndalu Lufta Koreane që u zhvillua mes 1950-1953. Ajo ishte në mesin e shumë të moshuarave, që u thanë lamtumirën të afërmve të tyre, në këtë raundi takimesh.

Afro 200 jug korean janë kthyer në shtëpi, pas vizitës së lejuar tri ditore, teksa 370 të tjerë do jenë pjesë e raundit të dytë që zhvillohet në fundjavë.

Raundi i parë i takimeve, është përcjellë me të qara dhe shumë përqafime, ndaj familjarëve të moshuar të cilët nuk besojnë se do shihen më në jetë.

Shumica e vizitorëve nga Koreja Jugore ishin refugjat të luftës, që bashkoheshin me motrat apo vëllezërit, apo fëmijët që i kishin lënë si foshnje, teksa të gjithë ishin në të 70-at.

Nuk kanë munguar as marramendjet dhe alivanosjet, si pasojë e emocioneve të fuqishme në momentet kur takuan të afërmit. /Telegrafi/