Është gjetur ilaçi i cili kthen të parët dhe pengon verbërinë

Duke studiuar trurin, shkencëtarët kanë zbuluar që edhe sëmundjet e rralla të verbërisë mund të shërohen.

Atrofia spinocerebrale e tipit 7 është sëmundje shumë e rrallë e cila përfshin dhe degjeneron nervat në pjesë të ndryshme të trurit dhe për këtë shkak më së shpeshti humbet edhe të parët. Madje edhe njerëzit me këtë lloj verbërie tani kanë shansin të shërohen, transmeton Telegrafi.

Atrofia spinocerebrale, pos verbërisë, mund të çojë edhe te ecja e vështirësuar, te vështirësia e të folurit dhe humbja e ekuilibrit.

Sëmundja shfaqet kur pjesa e shkurtër e ADN-së e cila bart ataksinën e gjenit 7, në mënyrë jo të barabartë përsëritet dhe kërcënon në masë të njëjtë edhe të rinjtë edhe të moshuarit.

Tani ekziston ilaçi i ri i cili shkatërron ADN-në informuese para se ajo të shndërrohet në proteinë dhe në atë mënyrë pengon që gjeni kontestues të përsëritet.

Kjo terapi gjenetike rezulton nga terapia antisensoligonukleodite e cila vepron në ADN në atë mënyrë që e shqep dhe mundëson që ADN-ja në mënyrën më precize të shkatërrohet.

Hulumtimi ka dhënë rezultate të jashtëzakonshme në studimin e minjve, si brejtës të vegjël që janë, me rastin e testimit të këtij ilaçi.

Minjve u është ndërtuar gjeni atrofisë spinocerebeale të tipit 7 dhe kanë qenë të verbër. U është dhenë injeksion antisensoligonukleod, përkatësisht ataksinë 7 në njërin sy dhe injeksioni kontrollues në syrin tjetër.

Është vërejtur që neuronet retinale të syrit të shëruar reagojnë ndaj rrezeve të dritës.

Është treguar që të parët është kthyer për shkak të akumulimit të vogël të gjenit kontestues.

Tretmani mund të pengojë verbërinë, madje edhe të çojë deri atje që njerëzit sërish të shikojnë.

Kjo tregon edhe atë që hulumtimet më të reja shkencore mjekësore çojnë në shërimin e sëmundjeve të tjera neurodegjenerative. /Telegrafi/