Ekziston faza jetësore në të cilën njerëzit më së shpeshti falin tradhtinë!

Shumica theksojnë që kurrë nuk do të mund ta falnin tradhtinë e partnerit, mirëpo ata të cilët janë gjendur në atë situatë thonë se megjithatë kanë ndërruar mendje

Aplikacioni i njohjeve, Gleeden, ka bërë një hulumtim mbi tradhtinë. Të anketuarit në fazën nga 34 deri në 49 vjeç janë pajtuar që kur është fjala për faljen, mendojnë në mënyrë shumë më optimiste se gjeneratat e mëparshme, transmeton Telegrafi.

Siç shkruan “The Indian Ekpress”, shumica janë të gatshëm të falin tradhtinë, se sa të vazhdojnë jetën pa partnerin.

Derisa 23 për qind e tyre ka vendosur që menjëherë do të ndërprisnin lidhjen po të ndodhte tradhtia, 36,9 e tyre janë të gatshëm të falin, ndërkaq 40,1 për qind thonë që arsyeja e tradhtisë luan rol të madh dhe ekzistojnë situata në të cilat do të falnin partnerin.

Edhe pse para pak kohësh është konsideruar që të rinjtë janë më të prirë të ndërrojnë partnerët, sot kjo gjë nuk u është edhe aq joshëse, ata kanë dëshirë që të gjejnë partnerin për gjithë jetën.

Nëse ndodh tradhtia, hulumtuesit kanë pyetur grupin e të intervistuarve a do t’i tregonin dikujt që e kanë bërë atë dhe nëse e kanë bërë – kujt? 37,5 për qind e tyre do të ftonte mikun e afërt, ndërkaq 31,3 për qind vëllanë apo motrën.

Diç më pak, 31,2 për qind e tyre do t’ia tregonin partnerit. /Telegrafi/