E shkuara

Ti mund të ndjehesh më i/e qetë në lidhje me seksin duke folur rreth të kaluarës tënde seksuale me dikë që është në gjendje të të ndihmojë që ta kuptosh më mirë. Duhet të gjesh patjetër dikë tek i cili ke besim.

Një mjek psikiatër, do të ishte i përshtatshëm. Sigurohu që ky person ka eksperiencën e nevojshme për të të ndihmuar ty që të kuptosh se si e shkuara ndikon tek e tashmja. Pastaj bisedo me këtë person rreth të shkuarës tënde seksuale në një kohë të volitshme për ty.

Tregoji se çfarë edukate seksuale ke marrë (nëse e ke marrë) nga prindërit.

Diskuto rreth kujtimeve që të kanë mbetur nga koha e fëmijërisë që kanë lidhje me seksualitetin.

Fol rreth paragjykimeve që kishe ndaj lakuriqësisë dhe imazhit të trupit tënd kur ishe fëmijë, dhe si (nëse) ka ndryshuar kjo gjë me kalimin e viteve.

Fol për herën e parë që të filluan menstruacionet (për femra), ose për herën e parë që u lage në gjumë (për meshkuj).

Diskuto rreth mendimit që ke pasur ti për masturbimin, dhe kur, nëse ndonjëherë je ndjerë tërësisht mirë duke e bërë një gjë të tillë.

Fol rreth informacionit që ke marrë për seksin nga shoqëria, media dhe edukata seksuale.

Fol rreth takimeve të para romantike.

Diskuto rreth arsyeve dhe kohës kur humbe virgjërinë dhe çfarë të bëri të mendoje rreth seksit.

Diskuto rreth mënyrës që ndikon eksperienca e fëmijërisë tek jeta jote e tanishme seksuale.

Nëse ti nuk je duke marrë nga jeta seksuale atë që kërkon, kjo mund të vijë si rezultat i disa paragjykimeve ose ndodhish, të cilat i ke përjetuar vite më parë.

Ti nuk ke pse i tregon gjithçka nga e kaluara jote partnerit tënd. Në fakt, disa detaje të jetës tënde seksuale mund të jetë mirë t’i mbash për vete.

(Në rastet kur ke bërë seks të sigurt dhe ke përdorur prezervativ). Megjithatë, mund të ishte ide e mirë që të ndaje me personin që dashuron disa nga aspektet e jetës tënde seksuale në mënyrë që ky person të mund të të njohë në mënyrë më intime. Ndonjëherë, është shumë e rëndësishme që të flasësh rreth të shkuarës seksuale, ose paragjykimeve dhe këndvështrimeve që ka gjithsecili.

Mos harro, ti duhet të kesh si objektiv njohjen e vetvetes dhe seksualitetit tënd. Pasi t’i kesh hedhur tutje konceptet e gabuara të cilat kanë qenë pengesë për ty, ti do të kuptosh që seksi është një pjesë mrekullueshme e jetës tënde. Hapi i parë drejt seksit të mrekullueshëm është që të dish se mundesh ta bësh.

E fundit që duhet të dish

Ti ke të drejtën që të shijosh jetën seksuale, kështu që mos të të vijë asnjëherë turp nga fakti që ti je një qenie seksuale.

Identifikimi i koncepteve të gabuara dhe mesazheve negative që ke marrë për seksin do të të ndihmojë që t’i kapërcesh ato.

Nëse ti je edukuar me idenë që seksi është i keq, atëherë ti duhet të ndryshosh përqasjen ndaj tij.

Biseda me një mjek psikiatër mund të të ndihmojë ty që të mësosh më tepër rreth seksualitetit tënd. /Telegrafi/